زعيط ومعيـــــــط،،،،،،،،

الاخت شمس الملوك تحيه وسلام كنت اتمني ان تكوني شمس للحق والصدق والكلمه الطيبه بدلا من كلمة قالوا هذه ؟ يظهر انك من الذين يتطلعون علي الاخبار من قنوات وصحف قالوا وقنا دون مجرد التفكير في صحه ماقيل وما يقال ولتصحيح معوماتك بدلا عن قالوا زماااان هذه عندما صادرت الانقاذ اراضي المراغنه بحجه انها اخذت بالباطل كما تدعين وجدت اللجنه المكونه لذلك بان جميع الاراضي مسجله باسم السيد علي ملك حر ولم يكن فيها شبر واحد هبه من احد ويمكن ان تتاكدي من هذا الكلام من سعادة اللواء محمد ود الريف رئيس اللجنه في ذلك الوقت

المشاركة الأصلية كتبت بواسطة ابومصعب

عزيزى drاولا البسجل اكثر من مره بيفقد حقو فى التصويت واقل من18 لايسمح له بالتصويت وماتنسي فى مراقبين وناس المؤتمر ايضا شرفاء لايسرقون ولايشترون وباذن الفرد الصمد فائزون

السلام عليكم

الاخ ابو مصعب لك التحية .. انا لو كنت راجل كنت دخلت باسمي عدييييييل ما اتضاريت وراء الاسم المستعار فأنا حواء ..

الحرامي ما بتغلبوا الحيلة .. والقدر يتلاعب في التسجيل ما صعب عليه يتلاعب في التصويت .. والمراقبين كانوا وين لمن الناس دي سجلت؟؟ والاقل من 18 زي ماسجلوا بصوتوا.. وما تفتكرني بتكلم من فراغ الفئة دي انا بعرف منهم ناس شخصيا لكن زي ماقلت حق الحرام ما بينفع .. وزي ما بتقول حبوبتي ( الدنيا قليلها وكثيرها رايح ) كلنا مفارقنها فمافي داعي للزيادة الذنوب

المشاركة الأصلية كتبت بواسطة بت البسابير

غايتو حكاية الإنتخابات مزورة شوفو غيرها
وإستعدوا لحالة الطواري والنوم من الساعة 8 مساء وأنا عارفة بعد ناسكم ديل ينتهوا من الإنتحابا ت برجعوا للفنادقهم في القاهرة والمدينة . وحاتم شوفو ليهو غرفة في الدائرة . قاصدة دائرة الفتة ما الدائرة 7 .

السلام عليكم

الاخت بنت البسابير والاخ سحار الغروب لكم التحية .. اولا ناسنا ديل زي ما سميتوهم ما قاعدين في القاهرة والمدينة في فنادق واتحداكم تثبتوا لي صحة كلامكم هم عايشيين في املاكهم من حر مالهم مش مال الشعب زي ناسكم المتملكين في ماليزيا ومصر وسوريا والمالديف ودبي وغيرها بأموالنا .. ولعلمكم املاكهم دي ورثة من اجدادهم حتى ان بعضها في مكة المكرمة كانت بجوار الحرم المكي الشريف وقريب دا اتنازلوا عنها لتدخل في توسعة الحرم .. ولا تنسوا المقولة الشهيرة التي قالها امام الحرم للسيد محمد عثمان الميرغني عندما صادروا منزله في السودان كان في العمرة وصادف يوم غسلها واكرمه الله بدخول الكعبة الشريفة التي نتمنى جميعا ان تطأها قدمنا فقال له الامام ( الحمد لله اخذوا بيتك وفتح لك الله بيته )

اما يابت البسابير كلامك في حاتم بالاسلوب دا فاعذريني ما بتنازل ارد عليك واتمنى تحسني اسلوبك لو كنت جد بنت البسابير

وياالاخ سحار الغروب قلت ماجرحت زول لكن جرحتنا لانك بهت ناسنا اتمنى انك تتاكد قبل ما تكتب